La Tabla - Camín de Santiago con Xurde Morán - La Miga de Mariana
Sobre este episodio
El programa entama con entrevista fondera a David Menéndez, propietariu xunto col so hermanu Víctor, del restorán La Tabla. Restorán asitiáu a les afueres de Xixón, qu’empezó siendo una casa de comíes y agora fae cocina más vanguardista alrodiu del productu asturianu. Tienen amás un espaciu pa bodes. Son propietarios tamién de El Medio Lleno, en Xixón y d’una churrería y un restorán en Colorado (EEUU). Xurde Morán percorrerá con nós el Camín Primitivu que sal d’Uviéu hasta Santiagu. Güei seguiremos n’Uviéu conociendo curiosidaes de la ciudá, les sos costumes, la so historia y la so gastronomía. Y acabamos con Mariana, de La Miga de Mariana, una brasileña que dexó la so profesión venceyada’l cine nel so Brasil pa mudase a Asturies y montar una panadería n’Avilés. Una historia de pasión preciosa alrodiu del pan.