Variat Mallorquí - Ana Paz Paredes +Asturadictos

Comenzamos el programa falando con David Valdés, qu'acaba d'espublizar un llibru nomáu "Variat Mallorquí", onde recueye los meyores sitios pa comer esti platu en Mallorca. Si nunca sentisti falar d'esti platu, esti asturianu allugáu en Mallorca dende va años, va esplicate lo que ye, y tamién lo que nun ye, que ya ye ún de los mayores puristes del platu. Acabamos el programa falando con Ana Paz Paredes, qu'acaba d'espublizar tamién, la segunda parte del so llibru Asturadictos. +Asturadictos. Nuevos sitios por descubrir, nuevos chigres onde comer, nuevos museos que visitar, nueves recetes que conocer, y hasta nuevos productos que probar.