El Pandora - El Gaitero

Comenzamos el programa falando con Alejandro Villa, d'El Pandora. El restorán d'Avilés qu'empezó como cafetería y qu'agora, col cambéu a restorán acabó siendo ún de los meyores sitios onde comer de la ciudá. Un cocineru mozu, pero que cocina respetando al máximo'l productu y, qu'amás, va abrir dientro pocu un conceptu más informal na plaza d'abastos d'Avilés, el sitiu de moda de la ciudá. Acabamos el programa falando con Tano Collada y María Cardín, d'El Gaitero. Ensin duda, ún de los llagares d'Asturies más conocíos, falaremos con ellos d'historia, de presente y tamién de futuru. De cómo han d'adautase y conocer nuevos mercaos, de los sos nuevos productos y tamién de la so estaya gastronómica.