Ferror Records celebra o seu décimo aniversario en Canido con Bule, Playa Desmayo e máis talento musical local

O selo discográfico ferrolán Ferror Records cumpre 10 anos de actividade, converténdose nun referente do underground galego. Desde 2015, o selo lanzou máis de 160 referencias discográficas, incluíndo máis de 25 vinilos, 25 CDs e 6 cassettes, con bandas de Ferrolterra como Zavala, Ghorxa, Nüca, Lume, Mentah, Bule, e Todo el Largo Verano, e tamén de toda Galicia, como Chicharrón, Radio Océano ou Músculo!. Ademais da labor discográfica, Ferror Records organizou máis de 100 concertos, exposicions como “Andrés do Barro. Saudade e Memoria” e “Ferrol Underground 1985-2021”, e proxectos de deseño fotográfico e corporativo realizados por creadores locais. Para celebrar o aniversario, Ferror Records prepara unha gran festa pensada para a mocidade, combinando música, arte urbana, fotografía e outras expresións culturais, promovendo a lingua galega e creando un espazo de encontro e identidade para a xuventude. Actuarán Bule, Playa Desmayo, Tanque de Tormentas, Raquel Plata e Maní Maniquí, entre outros, mostrando o talento e a diversidade da escena musical galega. Dez anos de creatividade, resistencia cultural e compromiso coa música e a identidade de Ferrolterra.