Narón acolle hoxe e maña a estrea de "Manual de patronaxe", homenaxe feminista ás coidadoras e ás nosas avoas

Esta fin de semana, o Pazo da Cultura de Narón acolle a estrea absoluta de “Manual de patronaxe”, a nova creación da compañía galega Teatro do Noroeste, dirixida por Clara Gayo sobre o texto galardoado de Nerea Brey, gañador do Premio Abrente de Textos Teatrais 2023. O espectáculo é unha oda ás coidadoras, especialmente ás avoas, e reivindica, en clave feminista, os pequenos xestos cotiás que tecen a nosa vida. Protagonizado por Iolanda Muíños, Raquel Espada e Susana Sampedro, con produción executiva de Eva Alonso, escenografía e vestiario de Equipo Taetro e deseño de iluminación e proxeccións de César Seijas, a peza ofrece un diálogo interxeracional sobre identidade feminina e creatividade. As funcións serán o venres 5 ás 20:30 h e o sábado 6 ás 20:00 h, con entradas dispoñibles na web do Pazo da Cultura. Este proxecto marca unha nova liña creativa de Teatro do Noroeste, combinando a súa traxectoria clásica con propostas contemporáneas que conectan pasado, presente e memoria familiar.