Radio Líder leva o programa Fala que Fala ao IES Francisco Daviña Rey de Monforte de Lemos 26 01 2

Radio Líder leva o programa Fala que Fala ao IES Francisco Daviña Rey de Monforte de Lemos Tras pasar polo IES Luis Seoane de Pontevedra e polo CPI Virxe da Saleta, en San Cristovo de Cea (Ourense), Radio Líder emite este luns 26 de xaneiro a terceira edición do formato Fala que Fala desde o IES Francisco Daviña Rey, en Monforte de Lemos (Lugo). O programa, realizado en colaboración coa Secretaría Xeral da Lingua, celebrarase de 10:00 a 12:00 horas cunha edición especial chea de música, humor, entrevistas, divertidos xogos e unha destacada participación do alumnado. Durante dúas horas, o centro educativo converterase nun auténtico punto de encontro para a celebración da lingua galega, cunha programación dinámica e participativa que terá o galego como fío condutor dunha mañá pensada para gozar, compartir e poñer en valor o noso idioma. Ademais, a invitada de honra desta edición será a artista plástica Ana Isabel Álvarez Goyanes, natural de Pantón e cunha sólida traxectoria artística e docente, que compartirá coa comunidade educativa a súa experiencia creativa e o seu vínculo coa cultura e a lingua galega. Fala que Fala continúa así o seu percorrido por distintos puntos de Galicia, consolidándose como un proxecto de referencia na promoción e no prestixio do galego entre a xente nova. O evento conta coa colaboración de Seguridade A1, Daveiga e Dezasete Media.