O Teleclube 03x07: "Sentimental Value"

'O Teleclube' pecha o ano co drama familiar nórdico 'Valor Sentimental' O director Joachim Trier e actriz Renate Reinsve xúntanse para outra película chea de boas actuacións. Despois de atopar ouro coa súa última colaboración en 'A peor persoa do mundo', Trier e Reinsve presentan un filme sobre dúas fillas, Nora e Agnes (Reinsve e Inga Ibsdotter Lilleaas) que teñen que enfrontarse ao seu pai ausente (Stellan Skarsgård), un director de cine que volve para gravar unha película na súa casa familiar. Premiada no festival de Cannes e con nominacións en todas as ceremonias importantes de cine do ano 2025, moitas din que está á altura da súa última obra. Escóitanos por última vez este ano para saber se estamos de acordo! E lembra que se queres enterarte das novidades, podes seguirnos na nosa conta de Instagram, @oteleclube . E non dubides en escoitar os episodios anteriores en Spotify, iVoox e na web de O Salto Galiza.