Pakolas e Laura Romero co seu espectáculo, Ramona Órbita, encheran de boa música o castelo de Moeche o domingo
Sobre este episodio
Tras un intenso verán, a fortaleza de San Xurxo inicia temporada outono/inverno co programa “Castelo de Sons” que aproveita a espectacularidade e sonoridade do recinto como espazo acaído para a música ao vivo. A Concellería de Cultura organiza este programa no comezo de outono con dúas actuacións musicais, unha para a rapazada máis noviña- Pakolas- e.outra - Airiños da Capela- para o público en xeral. Comeza este domingo as 12:30 horas co son rockeiro de Pakolas e Laura Romero e o seu espectáculo, Ramona Órbita: cores, cantos e rock. Nun entorno magnifico como é o Castelo de Moeche, Pakolas, rockeiro e guitarreiro, actuará para a rapazada presentado a historia de Ramona Órbita, unha muller labrega da Serra do Courel, que posúe unha horta cibernética con patacas automáticas, e ademais ten unha máquina do tempo, o seu mellor invento. Con ela viaxa ao futuro e ao pasado na procura de tecnoloxía para crear un mundo mellor máis ecolóxico e con enerxías limpas.