O Concello de Moeche saca a licitación a redacción do proxecto do Centro de dinamización económica e social Rural TiC

O Concello de Moeche conseguiu obter unha subvención do Ministerio para a Transición Ecolóxica e o Reto Demográfico por un importe de 1.123.553,43 euros para a rehabilitación e posta en marcha dun novo espazo que transformará a “Antiga nave do gando” nun Centro de dinamización económica e social Rural Tic para a dinamización das PEMES e das asociacións locais e comarcais, contribuíndo á transformación dixital da economía da sociedade da zona, así como a diminución da brecha dixital entre mulleres e homes e a xeración de emprego. Para atender a execución da referida obra é preciso levar a cabo,pois, a contratación das tarefas de redacción do proxecto de obras básico e de execución que se deberá basear no anteproxecto presentado á subvención, así como a dirección facultativa das obras e coordinación de seguridade e saúde.