Esta semana en Músicas de Ferrolterra presentamos o novo disco de A Banda da Loba. Xiana presenta o tema É O MAR

‘Lovismo’ (2025) é o quinto disco d’A banda da Loba, un traballo que ten como fío condutor o amor nas súas múltiples formas de expresións. Neste disco contan coas colaboracións de Tomé Mouriño (De Ninghures), De Vacas e Terrae, con quen coproducen un tema, ‘Olliños’. Ademais, acompáñanas nos ventos Adrián Real, Lara Porto, Cristóbal Fernández e Diego Suárez. Tamén fan unha adaptación dun poemario de Olga Novo, sumándose así á literatura de Luísa Villalta e Rosalía.