Estudantes do Master de Videoxogos da UDC do Campus Industrial de Ferrol reciben formación de expertos de Gammera Nest

Gammera Nest, recoñecido estudo creador de videoxogos como Tadeo Jones, está impartindo unha formación intensiva no Campus Industrial de Ferrol da Universidade da Coruña (UDC), dirixida ao alumnado do segundo curso do Máster en Deseño, Desenvolvemento e Comercialización de Videoxogos. Durante unha semana, os estudantes mellorarán o seu videoxogo “Renegade Jammer”, proxecto que naceu como Traballo Fin de Máster, tanto a nivel técnico como artístico e comercial. Esta formación dá acceso á iniciativa PlayStation Talents, ofrecéndolles a oportunidade de que o seu xogo sexa publicado por Sony Interactive Entertainment. Expertos do sector como Virginia Calvo, Jorge Huguet, María Jesús López ou Gonzalo Luna participarán nesta formación, que se completa con titorías ata setembro. Ademais, o alumnado coñecerá proxectos nos que colaborou Gammera Nest, como The Many Pieces of Mr. Coo ou Tadeo Jones: La Maldición de la Esmeralda. A UDC xa tivo éxito nesta iniciativa, con “Avy, Fábulas da Noite”, recoñecido co premio á Mellor Arte nos iokool PlayStation Talents 2023.