Rosa Cedrón presenta este domingo a partir das 19:00 horas un concerto no teatro Jofre coas súas pezas máis emblemáticas

Este domingo 18 de maio, o Teatro Jofre de Ferrol encherase de emoción e música co concerto de Rosa Cedrón. A artista galega presentará o seu espectáculo a partir das 19:00 horas, ofrecendo unha experiencia única que promete facer vibrar ao público. Rosa Cedrón convida ás persoas asistentes a deixarse levar pola súa voz en pezas emblemáticas como Chove en Santiago, Negra sombra, Camariñas e a inesquecible Lela. Un concerto onde a música se converte nunha viaxe de sensacións, capaz de espertar os sentimentos máis profundos. As entradas están dispoñibles na billeteira do Teatro Jofre e a través da web de Ataquilla. Non perdas a oportunidade de vivir esta cita coa música galega máis xenuína.