Opaí Teatro leva este sábado a Neda “A mala estrela”, versión galega libre de Luces de bohemia

Hoxe falamos con Cristina Mariño e con tres dos actores do elenco da compañía ferrolá Opaí Teatro-SDR Canido, que este sábado, 24 de xaneiro, ás 20.00 horas, leva a Neda a obra A mala estrela. Trátase da segunda entrega do I Ciclo de Teatro Afeccionado do Concello de Neda, tras o éxito das Bacantes. A peza é unha versión galega libre de Luces de bohemia, considerada a obra mestra de Valle-Inclán e pioneira do xénero do esperpento. Dirixida por Cristina Mariño, a montaxe actualiza a mirada grotesca e crítica do clásico, mesturando humor acedo e problemáticas contemporáneas. As entradas, a 2 euros, xa poden reservarse na biblioteca municipal.