Medio ambiente rexeita o Salto do Navia

Tras 60 anos de ameaza do Salto do Navia, o Ministerio de Medio ambiente declara negativo o estudo de impacto ambiental presentado pola promotora (Saltos del Navia). Con este é o oitavo intento da empresa de promover esta macroinfraestrutura nunha zona que hoxe conta con 5 figuras de protección ambiental. O lastre desta ameaza tivo consecuencias negativas para Navia e Fonsagrada durante todas estas décadas por iso a sociedade local e outros colectivos piden a nulidade desta concesión canto antes.