As Catedrais, xacemento romano ou obra da Natureza?

ADEGA, Mariñapatrimonio e outras 6 entidades culturais reclaman que se recupere o xacemento romano da praia de Esteiro, próximo ás Catedrais (Ribadeo) e que se investigue a arqueoloxía deste monumento natural para saber se se podería tratar dunha antiga mina de ouro romana. As últimas informacións emitidas pola Xunta, de xeito oficioso, anuncian que finalmente se dará autorización para levar a cabo un proxecto de recuperación do xacemento de Esteiro. O vindeiro domingo, 22 de marzo, estas entidades tamén organizan un roteiro para poñer en valor todos estes xacementos da Mariña.