Relato dunha vida fuxindo das garras da escravitude e a prostitución

É habitual que un xornalista acuda a alguén para poder contar a súa historia, máis neste caso foi Elise quen, a condición de manter agochado o seu rostro, ao grupo de voluntarios que, no marco do seminario de Periodismo Social e Cooperación Internacional de Agareso e ACPP, se atopaban en Marrocos. Pese á expresión alegre e agradecida dos seus ollos, o seu relato resultou ser o dun pesadelo moito máis duro e escuro do que eles poderían ter imaxinado. A súa era unha historia de anos de fuxida continua, primeiro dos abusos que sufría por parte dun familiar, e despois, dos de aqueles que a escravizaron e venderon coma se a súa vida non valese nada. Por sorte, Elise sobreviviu e prometeuse a si mesma deixar a súa historia plasmada nas páxinas dun libro. Polo momento, podemos coñecer, aínda que sexa de forma moi resumida, parte do calvario que tivo que soportar, grazas a esta peza realizada por Uxía Pérez e Verónica Couto para o podcast de Castañas No Verán.