A Catapulta 01x 08 Daniel Landesa
Sobre este episodio
Os diferentes dispositivos da Catapulta estíranse ata límites inexplorados ata a data coa visita de Daniel Landesa, escritor e membro fundador do colectivo poético Poetas da Hostia. Landesa leva toda a súa vida vencellado a proxectos creativos e literarios, tanto individuais como colectivos. É un dos fundadores do colectivo Poetas da Hostia, creadores dos recitais-combate A hostia en verso, da Poxa de poetas e do exercicio de escrita en directo O seu poema, grazas. Ten publicado poesía e narrativa e este mesmo mes sae á luz o libro Caramomia, escrito a oito mans canda Ledicia Costas, María lado e Miguel López El Hematocrítico. A Catapulta está conducido polo poeta Samuel L. París.