O Teleclube 02x05: "Salve María"

‘O Teleclube’ deconstrúe a maternidade con ‘Salve María’ Mar Coll dirixe un filme que pon o foco no lado escuro de ser nai A brillante Laura Weissmahr protagoniza esta película na que a súa personaxe, María, unha escritora exitosa, ten depresión posparto. Evita a xente do seu arredor e o seu marido (Oriol Pla) non é capaz de ver nin imaxinar o que sofre. Nesta obra, que ademais de arrepiante é moi necesaria, María empeza a obsesionarse coa noticia dunha muller francesa que acaba de matar os seus xemelgo de dez meses. Escoita este novo episodio para saber a nosa opinión sobre esta maternidade pouco representada. Veste con nós a unha nova sesión de cine? E lembra que se queres enterarte das novidades, podes seguirnos na nosa conta de Instagram, @oteleclube , e que podes ver os anteriores episodios na nosa web e na canle de iVoox e Spotify de @elsaltoradio.