Cara a cara #7: Manuel Cruces

Pontevedrés, dermatólogo de profesión e en exercicio aos seus 72 anos. E falando de exercitar, o seu estado físico é envexable; basta con velo nun tríatlon. Manuel Cruces, entre outras consecucións, é subcampión do mundo de tríatlon de longa distancia ou campeón de España de acuatlón no seu grupo de idade, "non é difícil, somos poucos", chancea neste Cara a Cara no que está acompañado do seu fillo Antón. Este embarcouno nun proxecto audiovisual para dar a coñecer a súa "xesta" persoal e deportiva. Oldman: o último triatleta é o nome do documental, cuxo avance se pode ver en Verkami e do que calquera persoa interesada pode ser mecenas coa súa achega ecónomica.