Cara a cara #32: Carmen Martínez

Puido ser a camelia, pero finalmente foron as vides. Investigación á que leva dedicada 30 anos, e na que é actualmente directora do grupo de viticultura da Misión Biolóxica de Galicia. Carmen Martínez foi incluída ademais este 2016 na Selección da Ciencia. Para este Cara a cara fálanos de investigación vitivinícola, do sector, de recuperación de variedades en Galicia, de "viticultura heroica", do mercado do viño, de literatura e cinema vinculadas ao viño. Non vos deixedes intimidar polo tema, Carmen fala de forma moi divulgativa e interesantísima.