Cara a cara #153: Carla Santoro
Sobre este episodio
O pasado ano, Carla Santoro comezou a práctica do triatlon da man da triatleta paralímpica viguesa Susana Rodríguez. Ese mesmo 2018 fíxose con tres medallas no Campionato de España de Atletismo para menores que organizaba a Federación Española de Deportes para Cegos. Neste 2019, con nove anos, esta promesa pontevedresa compaxina o duatlon co Club Mar de Vigo e o atletismo nas escolas deportivas da Ximnástica de Pontevedra. As súas calidades deportivas teñen feito que o pasado marzo en Collado Villlalba (Madrid), fixésese con dúas medallas de ouro no Campionato Nacional de Promesas Paralímpicas. Un metal por correr os 500 metros en 1 minuto 55 segundos; e outro por correr os 50 metros en 9 segundos 20 centésimas. Ademais, sen levar un adestramento específico previo, fíxose co récord nacional en categoría Benxamín de salto de lonxitude: 3 metros 12 centímetros.