Cara a cara #368: Marlene Armentero

Marlene Armentero Cutiño é profesora de música e cantante. Naceu na Habana e reside en Pontevedra. Na súa faceta artística trae ao 'Cara a cara' un proxecto musical titulado 'Con nome propio'. Como o nome indica é un traballo musical baseado en poemas propios, aínda que tamén inclúe algunhas composicións doutros autores. "Teñen como temática as miñas vivencias como muller, como artista, como emigrante", explica. En canto ao son é unha fusión de "música cubana, galega, pop, americana. Un pouco de todo". En plataformas dixitais pódense escoitar xa algúns temas e a súa intención é levalo a formato de directo. Con ela están Rafa Morais ao baixo e nos arranxos; Noli Torres na batería; Miguel Ponce ao saxofón e Iria Iglesias ao piano. Sinala neste programa de PontevedraViva Radio que é un directo que pode escoitalo público de calquera idade.