Un paseo por la prehistoria de Ayer. Pablo Arias Cabal

FELECHOSA ANANTES DEL PUILO. UN PASEO PELA PREHISTORIA DEL ALTO AYER Una neblina espesa cubre tolo que ta más p’acuḷḷá de las fontes escritas. Nun hei rexistros d’anantes de los romanos pero sí sabemos que muncho primero ya hubo xente en puilo. D'eḷḷo quean vestixos, deḷḷos perimportantes, como los llamaos «puñales del Gumial». Por nun querer ser estranxeros na nuestra tierra, somos munchos los que mos preguntamos y mos prestaba saber quién yeran los que vivioren anantes, ónde lo fixoren, qué comioren y bebioren, qué ganao tuvioren, cómo vestían… ¿sabían fundir metales? Munchas preguntas nun se van poder contestar, pero otras munchas, sí. Tenemos por vecín nuistro a Pablo Arias Cabal, ún de los especialistas más importantes na prehistoria del Cantábricu; nun dexes de venir a escuchar tolo que mos va contar.